相信大家都已經睇過呢條片，欣賞過呢兩位經典鬧人的口技！但其中有幾句真係令我諗極都唔明！
男的第一嘢就話人「衰相」！當然，本人認為唔一定要靚仔先可以話人樣衰，但呢句嘢由你把口出，就真係夠哂諷刺！跟手又話人「殘花敗柳 」，但係一講完，原本佢老婆嚮隔離鬼剎咁嘈，都突然收聲，可能有啲觸景傷情，一時感觸，但好快又恢復心情，加入翻戰團。最毒係個男嘅竟然詛咒個少女「個Ｘ生 cancer」！不過又唔係咁難破嘅，佢只不過係講緊生子宮頸癌，如果有打過疫苗就唔洗怕啦，教埋你，胰臟癌先你最難發現同冇得醫，下次鬧人用呢句啦。
鬧鬧下到個女嘅出手，佢真係出手，佢出手攞個電話出嚟話佢又要影，影完擺上網咁話，不過到而家都唔見有片睇，唔知係佢諗通咗，想息事寧人，定佢有影到但係唔識擺上網喇。佢重有個point都ok搞笑㗎，佢話佢都未上車，上咗車先話佢打尖都未遲！殺咗人先叫你停手，咪太遲囉！！
正義係冇得「懶」嘅，係你兩條友就真係「懶吧閉」喇！
source: http://www.youtube.com/watch?v=gbucQbFBzZc
沒有留言:
張貼留言