法治 vs 良知

藍絲帶們夠了，請你們不要再說什麼佔路的人先犯法，破壞了香港的法治！今時今日，七警濫用私刑依然逍遙法外，你們還可以稱他們為「七俠五義」，大家口中的法治還存在嗎？

一個人亂過馬路，可以視為犯法，法律問題，法律解決。幾萬人明知犯法而犯法，相信已經不是法律可以解決的問題，而是一個關乎公義和良知的問題。如果什麼事情都以法律解決，當政府凌架法律之上時，就等於秦王暴政，政府不斷利用法律欺壓百姓，但百姓毫無招架之力。試想想，有一位司機載着一名孕婦去醫院產子，情況危急卻遇上紅燈，環境許可下他到底該衝還是不該衝？其他人知道後該讓還是不該讓？

事情告訴我們，在法治是上還有一樣東西叫良知，在法律出現之前，良知早已經存在於每一個人類的心底深處。如果説法治是香港社會的基石，良知就是法治之根本，而且每人的良知都是一樣，對坑強權保護弱勢。就是因為有這一份良知，人類八萬年來才可以走到今天這一步，才可以繼續走下去！

沒錯，梁特首説得對，佔領運動令香港在國內和國外的形象都徹底改變了，因為我們已經都是不願做奴隸的們！

我要㩒機票 vs 我要真普選

內子係一個非常節儉嘅人，每一次去旅行都係因為抽到航空公司嘅平價機票先會去，今次因為佢要返工嘅關係，㩒機票嘅責任就交喺我手上。其實我自己就唔係咁好咁嘅抽機票模式，因為隨時柚成晚都係得個吉！而且中間又容易出岔子，搞到個人勁燥底，一路㩒一路發老脾！㩒咗個幾鐘，終於頂唔順，打個電話俾內子就話想放棄，佢喺百忙中都放低手上嘅工作同我講：「金鐘啲學生都瞓咗街咁多日，中間都好多波節，又俾打，又俾人趕，而且隨時咩都爭取唔到，佢哋都未放棄，你咁快就想放棄？」

突然一言驚醒，學生們一直無私咁為香港人爭取民主自由，濕過身、流過血、淌過涙。孔子曰：君子有明知不可為而為，簡單講，一個字：堅持。為未來堅持，唔一定會有結果，但一定得到過程，而人生亦都係一個過程。

最後只係希望學生能夠為成功爭取，就算不成功亦盡可能安全回家。

P.S. 成功抽到一蚊來回台灣機票！

足球 vs 抗爭

今晚係2014世界盃分組賽西班牙大戰荷蘭，同時又係立法會守護東北嘅抗爭時刻。兩邊同時現場直播，不難另筆者想起兩者嘅關係。

在場和平靜坐嘅村民、學生同示威者，其實係採取緊足球嘅穩守突擊，找一個機會進入會議廳，申訴佢哋對東北發展嘅要求，希望規劃下馬，不過隨時守足成場。另一方面，喺立法會內「拉布」嘅議員則使用「拖字決」，拖到完場，令對家暫時贏唔到，但係最多都係打個和，最後都會擇日再戰。另一邊廂嘅「勇武」本土派「熱狗」就決定硬闖，以技術性犯規阻止對方進攻，但打「擦邊球」就好容易俾人紅牌趕出場，冇得再玩。

明眼人一睇就睇得出，無論邊一招都係冇可能贏到嘅，因為本身場賽事就唔公平。就算有人出到司法覆核，向球證投訴都冇用，係人都知球證、旁證、足協、足總丶足委都係佢嘅人，點樣同佢鬥？

係咪咁就冇得鬥？咁又未必～重有觀眾嘛，觀眾嘅眼睛係雪亮嘅，只要令佢哋明白大家爭取緊嘅係咩，將佢哋變成「Fans」，相信公道自在民心，人民嘅力量一定可以改變政府喺東北嘅規劃。雖然今晚西班牙飲恨，但痛定思痛，又唔係冇機會出線嘅～

冇事分花紅 vs 有事蝕入肉

早前一場黑雨令九龍塘又一城頓時變成水舞間加冧天花，一位做保險的朋友立即在Facebook留言：「所有保緊festival walk 嘅保險公司，呢鑊輸到仆街!!!! 2014個bonus凍個水.... T^T 嚎啕大哭中.....)」

其實本人和一般人都期望做保險的在這個時間會講：「大家放心，唔洗擔心，好在你哋之前有喺我哋公司買咗保險，嚟個時候我哋公司會為大家應付一切，保證賠足！輸贏唔重要，花紅唔重要，最重要係幫到手～出得嚟賺就預咗要還㗎啦！」

友人回應説這樣只是在詆毀他們的professionalism，認為是被保險公司欺騙過的受害者才會有這樣的偏見！並重申一次, 只是擔心昨晚的damage同loss有多大！（不知道是公司的loss還客戶的loss)

本人十分同意保險產品根本不能欺騙別人，明買明賣，買幾多賠幾多，有例可依，亦不認為保險這個制度有何不妥。只是覺得在這個時候，保險公司擔心的並不是客戶的需要，而竟然只是自己的花紅，又要賠幾多，好像茶餐廳收了食客的錢，但又不想上菜。老老實實，自從客人交第一期保費開始，就預到要有一筆錢需要賠出去，客人的保費不是給保險公司隨便分花紅的。風平浪靜時就會説幫人，口講一定幫到手，天災人禍了就在「呻笨」，心想早知就不給你保約。其實幾多damage同loss，保險公司都不需要擔心，保險公司只要小心計算投保人需要幾多和應得幾多就可以了，錢收了，便是時候提供服務。沒有人希望出現天災的，請不要說成客人連累到保險公司失去花紅般，諗心一層，沒有天災亦沒有保險。

保險的慨念應該是集合一群同意這個制度的人的資金，到當中有需要的時候，就動用這些金錢作出協助，保險公司的角色只係負責公正運作和完善管理這筆錢，從而收取服務費及賺取暫管時的投資利潤（亦同時為客人的資金增值），當然都是風險管理的問題，但不是「冇事就叫賺錢分花紅，有事就叫賠錢蝕入肉」。一句「upset 嚎哭冇得分花紅」，才是一直侮辱自己的專業，影響保險業的形象！有時候偏見就是這樣形成的。

想分花紅？專業服務，真心對客，完善管理，投資有道，信譽優良，就客似雲來，便可分花紅！